147 qırıcı, 134 helikoper, 4 “İsgəndər”... - Rusların itkisi

Rusiya hərbi qüvvələri Ukraynada ciddi itkilər verməkdə davam edir. Fevralın 24-dən aprelin 4-dək ölənlərin sayı artıq təxminən 18 300 nəfərdir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda qeyd edilib ki, rus ordusu həmçinin 647 tankını, 1844 zirehli döyüş texnikasını, 330 artilleriya sistemini, 107 yaylım atəş sistemini, 54 hava hücumundan müdafiə sistemini, 147 qırıcısını, 134 helikopterini, 1273 nəqliyyat vasitəsini, 7 gəmi/katerini, 76 yanacaq sisternini, 92 əməliyyat-taktiki PUA-sını, 25 xüsusi texnikasını, 4 “İsgəndər” raket kompleksini itirib.

Qeyd olunub ki, məlumatlar dəqiqləşdirilir, hesablama hərbi əməliyyatların yüksək intensivliyi səbəbindən çətindir.