ABŞ “Omicron”a görə 200-dən çox təyyarə reysini təxirə saldı

ABŞ aviaşirkətləri 200-dən çox təyyarə reysini təxirə salıb.

Avtosfer.az bildirir ki, tanınmış şirkətlər "United Airlines” və "Delta Airlines” koronavirusun "Omicron” variantının çalışanlar arasında yayıldığını bildirərək, bu addımın atıldığını bildirib.

"United Airlines”ın yaydığı açıqlamaya görə, bu gündən etibarən 120 uçuş, "Delta Airlines”ın məlumatına əsasən isə, 90 uçuş ləğv edilib. Hər iki şirkət sərnişinlərin məlumatlandırılması ilə bağlı işlərin aparıldığını vurğulayıb. 

"”Omicron” ştamının ölkə üzrə artması uçuş heyətlərimizə və əməliyyatlarımızı idarə edən insanlara birbaşa təsir edib. Bunun nəticəsində təəssüf ki, bəzi reysləri ləğv etməli və müştərilərimizi hava limanına çatmazdan əvvəl xəbərdar etməli olduq”, - deyə açıqlamada qeyd olunub.

Sfera.az