Azərbaycan Dəmir Yolları və AZAL dövlət büdcəsinə yenə yük oldu

Azərbaycanda dəmir və hava nəqliyyatını həyata keçirən iki şirkətə ayrılan subsidiyalar açıqlandı.

Avtosfer.az xəbər verir ki, bu barədə Azərbaycan Prezidenti İlham Əliyevin təsdiq etdiyi 2022-ci ilin dövlət büdcəsi haqqına qanunda qeyd edilir.

“Azərbaycan Dəmir Yolları” QSC-yə 2022-ci ilin dövlət büdcəsindən 10 464 580 manat subsidiya ayrılıb. Bu da 2021-ci illə müqayisədə 17% artımdır.

“Azərbaycan Hava Yolları” QSC-yə gələn ilin dövlət büdcəsindən ayrılan vəsait öncəki ildəki qədər 10 010 000 manat olub.