Bakıda 1 600-ə yaxın avtobus ödənişi "Bakıkart" la qəbul edir

Hazırda Bakıda istismarda olan sərnişin avtobuslarının 55%-də və yaxud 1 600-ə yaxın avtobusda nağdsız ödəniş sistemi tətbiq edilir.

Bu barədə Avtosfer.az-ın sorğusuna cavab olaraq Bakı Nəqliyyat Agentliyinin (BNA) mətbuat katibi Mais Ağayev məlumat verib.

Onun sözlərinə görə, "Bakıkart"la ödənişin qəbul edildiyi avtobusların 578-i yeni sistemə bu il keçib.

Hazırda gündəlik olaraq 800 minə yaxın sərnişin ictimai nəqliyyatda nağdsız ödənişdən istifadə edir, marşrut şəbəkəsində ümumi dövriyyənin 49%-i şəffaflaşdırılıb.