Bakıda gözətçi bağ evini qarət etdi

Bakıda evdən oğurluq edilib.

Avtosfer.az xəbər verir ki, hadisə noyabrın 26-na keçən gecə Sabunçu rayonu Kürdəxanı qəsəbəsindəki bağ evlərində baş verib. Bağ evlərinin birinin gözətçisi evdən 1700 manat dəyərində məişət əşyaları oğurlayıb.

Sabunçu rayon Polis İdarəsinin 15-ci Polis Bölməsi əməkdaşlarının keçirdikləri tədbirlərlə oğurluqda şübhəli bilinən, əvvəllər də eyni əmələ görə məhkum olunmuş 30 yaşlı V.Allahyarov müəyyən olunaraq saxlanılıb.

Araşdırma aparılır.