Bayram günlərində Bakıdan regionlara 27 min sərnişin daşınıb

Rəqəmsal İnkişaf və Nəqliyyat Nazirliyinin Bakı Beynəlxalq Avtovağzal Kompleksində bayram günlərində 26,7 min sərnişinin ölkədaxili səfərini təmin edib.

Bu barədə Avtosfer.az-a nazirlik yanında Dövlət Avtomobil Nəqliyyatı Xidmətinin (hazırda onun bazasında Azərbaycan Yerüstü Nəqliyyat Agentliyu yaradılır) rəsmisi Günay Əliyeva bildirib.

Onun sözlərinə görə, dekabrın 31-də 3,8 min, yanvarın 1-də 3,8 min, yanvarın 2-də 4,5 min, yanvarın 3-də 5,6 min, yanvarın 4-də isə 9 min sərnişin daşınıb (Adi günlərdə bu rəqəm 3,5-3,8 min sərnişin olur). Əsas istiqamət Gəncə şəhəri olub.