Bu şirkətlər də Almatıya uçuşları ləğv etdi

“Flydubai”, “Air Arabia” və “Jazeera Airways” aviaşirkətləri Qazaxıstandakı vəziyyətlə əlaqədar olaraq Almatı şəhərinə planlaşdırılan reysləri ləğv ediblər.

Avtosfer.az xəbər verir ki, “Emirates” jurnalistlərin şirkətin hazırda nə planlaşdırması ilə bağlı sorğusuna cavab verməyib.

Qeyd edək ki, Rusiyanın “Aeroflot” şirkəti də Qazaxıstanda hökumət əleyhinə etirazlar fonunda Moskva-Almatı reysini ləğv edib.

Xatırladaq ki, yanvarın 5-i etirazçılar Almatı şəhər hava limanına daxil olsalar da, bir müddət sonra ərazini tərk ediblər. Beynəlxalq hava limanının Mətbuat xidməti isə insident səbəbindən aeroportun öz işini dayandırdığını elan etmişdi.

“Qafqazinfo”