“O, Paşinyandan amansız qisas alacaq” – Bu dünya lideri erməni baş nazirə qəzəblidir

"Laçın dəhlizi bağlanmadıqca qanunsuz səfərlər davam edəcək”.
 
Bunu Sfera.az-a açıqlamasında siyasi şərhçi Kənan Novruzov deyib. O, Fransada prezidentliyə əsas namizəd Valeri Pekressin Xankəndiyə səfərini xatırladıb və bunun regional mediada ciddi əks-səda yaratdığını əlavə edib:
 
"Pekressinin Qarabağa səfəri bundan sonra rəsmi Parislə İrəvan arasındakı münasibətlərdə ziddiyyətlərin yaranmasını istisna etmir, çünki səfər qeyri-rəsmi idi və Fransa hakimiyyətinin mövqeyini ifadə etmirdi. Digər tərəfdən Valeri Pekress hazırkı prezident Emmanuel Makronun real rəqibidir. Bu isə o deməkdir ki, baş nazir Nikol Paşinyan Pekressi ilə münasibətlər fonunda Makrona badalaq vurdu, onu pis vəziyyətdə qoydu. Şübhəsiz, Makron gələcək siyasətində bunu nəzərə alacaq. O, Paşinyanı cəzalandıra bilər. Ənazından əlaqələrin daha da inkişaf etməsinə mane olmaqdan ötrü əlindən gələni edəcək”.
 
Müsahibimizin sözlərinə görə, qanunsuz səfərlərlə bağlı Moskvaya da narazılığımızı bildirməliyik:
 
"Biz bunu etmədikcə rusların Qarabağdakı pozuntuları davam edəcək. Baş verən proseslər, o cümlədən Pekressinin qanunsuz səfəri Laçın dəhlizini nəzarətə götürməyimizin nə qədər vacib olduğunu bir daha təsdiqləyir”.