Rusiya ordusu Çernobıl AES-i ələ keçirib - YENİLƏNİB + FOTO

Rusiya hərbçiləri Çernobıl Atom Elektrik Stansiyasını ələ keçirib.

Bu barədə Ukrayna Silahlı Qüvvələrinin Quru Qoşunları komandanının müşaviri Alena Şevtsova məlumat verib. “Ruslar Çernobıl stansiyasını ələ keçiriblər. Stansiya işçiləri girov saxlanılır. Bu, təkcə Ukraynanın deyil, həm də Avropanın təhlükəsizliyi məsələsidir”, - o yazıb.

Mənbə: currenttime.tv

20:24

Rusiya qüvvələri Çernobıl Atom Elektrik Stansiyasını ələ keçirməyə çalışır.

Bu barədə Ukrayna prezidenti Vladimir Zelenski “Twitter” hesabında məlumat verib. “Müdafiəçilərimiz 1986-cı il faciəsinin bir daha təkrarlanmaması üçün canlarını verirlər. Bu, bütün Avropaya müharibə elanı deməkdir”, - o yazıb.Ukrayna Daxili İşlər Nazirliyi rəhbərinin müşaviri Anton Geraşenko isə öz “Facebook” səhifəsində rus qoşunlarının Çernobıl AES zonasına Belarus ərazisindən daxil olduğunu bildirib.