Si Cinpin İrana hərbi texnika verməyəcəyini vəd edib - Tramp

ABŞ Prezidenti Donald Tramp bildirib ki, Çin sədri Si Cinpin Pekinin İrana hərbi texnika tədarük etməyəcəyini vəd edib.

Avtosfer.az APA-ya istinadən xəbər verir ki, “Fox News” telekanalına müsahibəsində Tramp deyib ki, bu məsələ Si Cinpinlə danışıqlarda müzakirə olunub.

“O dedi ki, hərbi texnika tədarük etməyəcək. Bu, çox ciddi bəyanatdır”, – deyə ABŞ prezidenti bildirib.

Tramp əlavə edib ki, Çin eyni zamanda İrandan neft almağa davam etmək niyyətindədir.