Sumqayıtda saxlanılan koronavirus xəstələri barəsində cinayət işi başlanıb

Sumqayıt şəhərində koronavirus xəstələri ictimai yerlərdə aşkar edilərək saxlanılıblar.

Avtosfer.az xəbər verir ki, Sumqayıt Şəhər Polis İdarəsinin əməkdaşları tərəfindən şəhər ərazisində 3 nəfər aktiv koronavirus xəstəsi ictimai yerlərdə aşkar edilib.
Müəyyən olunub ki, saxlanılan şəxslər Sumqayıt şəhər sakinləri  Telman Qasımov,  İradə Tağıyeva və Füzuli rayon sakini Telman İmanovdur. Polis əməkdaşları onlarla izahedici söhbətlər aparıb, tibbi prosedurları gözləməklə həmin şəxslər yaşadıqları evə qaytarılıblar. Bu barədə müvafiq səhiyyə qurumları məlumatlandırılıb.
Faktlarla bağlı Sumqayıt şəhər Polis İdarəsinin İstintaq şöbəsində cinayət işi başlanıb. 
Qeyd edək ki, son bir həftədə Sumqayıtda  8 nəfər koronavirus xəstəsi ictimai yerdə saxlanılıb.