Təmirinə elə qiymət dedilər ki, maşını partlatdı - VİDEO

Finlandiya sakini Tomas adlı şəxs 2013-cü il buraxlışlı "Tesla Model S" avtomobilini təmir etmək əvəzinə partladıb.

Avtosfer.az Axar.az-a istinadən xəbər verir ki, Tomas avtomobilində nasazlıq yarandıqdan sonra onu təmir mərkəzinə aparıb.

1 aydan sonra ona "Tesla"nın batareyasının sıradan çıxdığı və bu təmirin ona 22 min dollara başa gələcəyi barədə məlumat verilib. Üstəlik, təmir "Tesla" şirkətindən icazəli şəkildə aparılmalı idi.

Bu cavabdan qəzəblənən sahibi maşını partlatmaq qərarına gəlib. Bunun üçün o, əlaqədar şirkətlərlə razılıq əldə edib və nəhayət avtomobil 30 kq dinamitlə partladılaraq məhv edilib.