Bakıda yolları rəngləməyə başladılar – FOTOLAR

Yeni dərs ilinin başlanması ərəfəsində Bakı şəhər Dövlət Yol Polisi İdarəsinin təşəbbüsü ilə Nəqliyyat Nazirliyi «Azəryolservis» ASC-nin əməkdaşları paytaxt ərazisində piyada keçidlərinin rəngləməyə başlayıb. Bu gün Yasamal rayonu, Nazim Hikmət küçəsində rəngləmə işinə start verilib.

Bakı şəhər DYPİ-nin bölmə rəisi, polkovnik Vaqif Əsədov Avtosfer.az-a bildirib ki, vətəndaşların müraciəti nəzərə alınaraq keçidlərin rənglənməsinə başlanılıb. Belə ki, yaxınlıqda orta məktəb var və buna görə də zebraların rənglənməsi işi həyata keçirilir. Bundan əlavə, parka gəlib-gedənlərin də təhlükəsizliyi nəzərə alınıb.

Vaqif Əsədovun sözlərinə görə, keçidlərin və digər yol çizgilərinin rənglənməsi işi dərs ili başlayana qədər Bakının hər yerində həyata keçiriləcək.

Elmin