Bu avtobus sürücüsü heç kimi saymır - "Öz qanunu" var - VİDEO

Xırdalan şəhərində yol hərəkəti qaydasını pozan avtobus sürücüsünün hərəkətləri kameraya düşüb. Oxuculardan biri tərəfindən qeydə alınan və redaksiyamıza təqdim edilən görüntülərdə "İsuzu" markalı, 99-XH-834 dövlət qeydiyyat nişanlı marşrut avtobusunun sürücüsünün təhlükəli hərəkəti açıq-aydın görünür. Avtosfer.az xəbər verir ki, hadisə dekabrın 19-da Heydər Əliyev prospektində baş verib.

Videogörüntüdə avtobus sürücüsünün svetoforun qırmızı işığına məhəl qoymadığı və təhlükəsizlik qaydalarını kobud şəkildə pozduğu əks olunub. Sürücü qırmızı işığın son saniyələrində yolayrıcına daxil olaraq hərəkətinə davam edib. Bu isə həm sərnişinlərin, həm də digər yol hərəkəti iştirakçılarının həyatını ciddi təhlükə altına atıb.

Mütəxəssislər qeyd edirlər ki, svetoforun dayağı qırmızı işığın son saniyələrində keçilsə belə, bu, yol hərəkəti qaydalarının pozulması hesab olunur.

Bu kimi qayda pozuntuları ictimai nəqliyyat sistemində sürücü məsuliyyətinin artırılmasının və nəzarət mexanizmlərinin gücləndirilməsinin vacibliyini bir daha gündəmə gətirir.

Fərid