Bu formada park edilmiş avtomobillərin arxasında dayanmaq olar? - QANUN BELƏ DEYİR - VİDEO

Nəqliyyat vasitələrinin park edilməsi üçün bəzi küçələrdə cib tipli parklanma yerləri yaradılır. Bundan əlavə, geniş səki olan küçələrdə də müəyyən hissələr parklanma üçün nəzərdə tutulur. Bu zaman səkilərin bir hissəsi avtomobillərin dayanması üçün ayrılır və bu da piyadaların hərəkətinə maneə yaratmamaq şərti ilə təşkil edilir.

Bəzən sürücülər belə yerlərdə park edilmiş avtomobillərin yanında, yəni ikinci cərgədə dayanırlar. Onlar düşünürlər ki, yolda dayanmanı qadağan edən nişan yoxdursa burada dayanmaq olar. Qeyd edək ki, bu yanaşma kökündən yanlışdır.

Qanunvericiliyə görə, istər cib tipli, istərsə də səkinin bir hissəsində parklanan avtomobillərin yanında dayanmaq, nəqliyyat vasitəsinin ikinci cərgədə dayanması kimi qiymətləndirilir. Bu cür dayanma həm digər sürücülərə mane olur, həm də yolun daralmasına və tıxaclara səbəb ola bilər.

Qeyd edək ki, ikinci cərgədə dayanma-durma qaydasını pozan sürücülər İnzibati Xətalar Məcəlləsinin 346.4-cü maddəsilə 2 bal 80 manat məbləğində cərimə oluna bilərlər.

Fərid