İçi dolu sərnişinlə qırmızıda keçən avtobus sürücüsü təhlükəli anlar yaşatdı - VİDEO

Bakıda svetoforun qırmızı işığına məhəl qoymayan avtobus sürücüsü sürücü və sərnişinləri təhlükə altında qoyub. Avtosfer.az xəbər verir ki, hadisə dekabrın 17-də Xətai rayonu, Məzahir Rüstəmov və Seyid Əzim Şirvani küçələrinin kəsişməsində baş verib. 36 saylı marşrut xətti üzrə fəaliyyət göstərən 90-HS-684 qeydiyyat nişanlı avtobusun sürücüsü qırmızı işığın yanmasına baxmayaraq yolayrıcına daxil olub. Bu zaman həm sağdan, həm də soldan gələn nəqliyat vasitələrinə mane olub.

Avtosfer.az-ın araşdırmasına görə həmin avtobusun icbari sığortası da mövcud deyil. Belə halda qaydaları pozan sürücü qəza törədən zaman vurduğu ziyanın əvəzini də ödəməyə çətinlik çəkəcək. Nəticədə günahsız sürücü hüquqi problemlərlə üzləşəcək.

Qeyd edək ki, daşıyıcı şirkət xoşagəlməz halların baş verməməsi üçün həm sürücülərin intizamlı olmağını ciddi şəkildə yoxlamalı, həm də avtobusların texniki vəziyyətini və onların icbari sığortasını vaxtlı-vaxtında yoxlamaldır.

Fərid