Maşının arxasına projektor quraşdırıb sürücüləri "kor etdi" - VİDEO

Bakıda sürücülərə təhlükə yaradan yük avtomobilinin videosu sosial şəbəkədə yayılıb. Avtosfer.az xəbər verir ki, 99-NU-125 qeydiyyat nişanlı "Shacman" markalı yük avtomobilinin arxasında yanan ağ işıqlar sürücülərin yolu görməsində çətinlik yaradıb. 
Qeyd edək ki, qanunvericiliyə görə ağ rəngli işıqlar nəqliyyat vasitəsinin yalnız ön hissəsində quraşdırıla bilər. Arxa hissəsində ağ işıqların istifadəsinə iki halda icazə verilir: 1) qeydiyyat nişanının işıqlandırılması
2) geriyə hərəkəti bildirən işıqlar.

Avtombilin arxasında daimi yanan ağ işıqların istifadəsi birmənalı olaraq qadağandır. 
Onu da qeyd edək ki, yollarda hərəkət edən əksər yük avtomobillərinin işıq cihazlarında çox ciddi nöqsanlar var. Sürücülər avtomobilin istədiyi yerinə və istədiyi rejimdə işləyən rəngbərəng işıqlar quraşdırırlar. Bunların hamısı qanunvericiliyə ziddir.

Elmin