Bakı sakini ehtiyatsızlıqdan həmyerlisini avtomobillə vuraraq öldürüb

Bakıda piyadanı avtomobil vuraraq öldürüb.

Daxili İşlər Nazirliyinin (DİN) mətbuat xidmətindən Avtosfer.az-a verilən xəbərə görə, Sabunçu rayonunun Pirşağı qəsəbəsi ərazisində qəsəbə sakini V.Qasımov idarə etdiyi “ZİL” markalı avtomobili arxaya sürərkən həmyerlisi Səxavət Hacıyevi vurub.
Nəticədə S.Hacıyev aldığı xəsarətlərdən hadisə yerində ölüb.

Faktla bağlı Sabunçu Rayon Polis İdarəsi tərəfindən araşdırma aparılır.