Bakı-Şamaxı yolunda səhlənkarlıq: Təhlükəli vəziyyət qəzaya səbəb oldu - VİDEO

Bakı-Şamaxı yolunda aparılan təmir işləri sürücülərin qəzaya düşməsi ilə nəticələnib. Həmin yolda hərəkət edən sürücülərdən biri qeydə aldığı videogörüntünü redaksiyamızın elektron ünvanına göndərib. Avtosfer.az xəbər verir ki, Şamaxıdan gələn istiqamətdə təmir getdiyi üçün sürücülər hərəkət hissəsinin əks tərəfinə keçib. Bu zaman Bakıdan Şamaxıya doğru yüksək sürətlə hərəkət edən avtomobillərin qarşısına çıxaraq yol nəqliyyat hadisəsi baş verib. Belə ki, görüntünü qeydə alan sürücü qarşıdan gələn 37-BB-033 qeydiyyat nişanlı  “Niva” markalı avtomobili görən anda dərhal sağ zolağa yerdəyişmə edərək qəzadan yayına bilib. Lakin onun arxasınca gələn 99-SL-053 qeydiyat nişanlı “VAZ-21099” markalı avtomobilin sürücüsü özünü itirərək “Mercedes” markalı avtomobillə toqquşub.

Videonu qeydə alan sürücü iddia edir ki, yolda təmirin getməsini və yolun ikitərəfli olmasını bildirən müvəqqəti nişanlar olmayıb.

Təbriz