Bakıda ağır yol qəzası: yaralılar var - VİDEO

Bakıda baş vermiş ağır qəzanın təfərrüatı məlum olub.

Bakı Şəhər Dövlət Yol Polis İdarəsindən (BŞDYP) bildirilib ki, 99-F-064 dövlət qeydiyyat nişanlı motosiklet 10-KM-444 dövlət qeydiyyat nişanlı "Hyundai Elantra" markalı avtomobil ilə toqquşub.

İdarəetməni itirən motosikletin sürücüsü 77-JA-952 dövlət qeydiyyat nişanlı marşrut avtobusuna çırpılıb.

Qəza zamanı motosikletdə olan sürücü və sərnişin xəsarət alıblar.

Faktla bağlı Nizami Rayonu Polis İdarəsində araşdırma aparılır.

***

Bakının Nizami rayonu, Elşən Süleymanov 120 ünvanında dəhşətli yol qəzası baş verib.

Avtosfer.az "Unikal"a istinadən xəbər verir ki, "Hyundai Elantra" markalı avtomobil hərəkətdə olan motosikleti vurub. Nəticədə motosiklet sərnişin avtobusunun altına düşüb, nəqliyyat vasitəsində olan hər iki nəfər ağır yaralanıb.

Hadisə yerinə polis əməkdaşları cəlb olunub.