Xaçmazda iki “VAZ” bir-birinə çırpıldı, xəsarət alan var - VİDEO

Xaçmazda yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 10-da səhər saatlarında rayonun mərkəzi küçələrindən birində qeydə alınıb. Belə ki, hərəkətdə olan 27-BR-594 dövlət nömrə nişanlı “VAZ-2109” markalı maşın, 27-BD-852 dövlət nömrə nişanlı “VAZ-2106” markalı avtomobillə toqquşub. Şahidlərin iddiasına əsasən, qəzaya səbəb ara məsafəsinin düzgün təyin edilməməsi olub. Hadisə zamanı hər iki nəqliyyat vasitəsi sıradan çıxıb. Sürücülərdən biri yüngül bədən xəsarətləri alıb.

Qeyd edək ki, faktla bağlı araşdırma aparılır.

Nərmin