Xətaidə qəza: Avtomobil motosikletlə toqquşdu - VİDEO

Paytaxtın Xətai rayonu, UPD (NZS) qəsəbəsi ərazisində yol-nəqliyyat hadisəsi qeydə alınıb.

Avtosfer.az-ın məlumatına görə, qəza iyunun 21-də saat 23:00 radələrində baş verib. Hərəkətdə olan motosiklet avtomobillə toqquşub. Hadisə nəticəsində xəsarət alan olmasa da, hər iki nəqliyyat vasitəsinə maddi ziyan dəyib.

Əraziyə polis əməkdaşları cəlb olunub, qəza sonrası yolda qısa müddətli nəqliyyat sıxlığı yaranıb. 

Faktla bağlı araşdırma aparılır.

Nərmin