Yol qəzalarının acı nəticəsi: 15 milyondan çox insan bundan əziyyət çəkir - FOTO

Onurğa beyni iflici insanın yaşaya biləcəyi ən ağır travmalardan biridir. Onurğa beyninin bədəndəki bütün əzələləri idarə edən sinirlərin mərkəzi olduğunu, zədələndiyi zaman qol, ayaq və gövdədə hərəkət itkisi meydana gəldiyi bəllidir.

Ona görə də onurğa beyni zədələri yalnız insanın hərəkət qabiliyyətini deyil, fərdlərin sidik və nəcis etmə qabiliyyəti pozur, daxili orqan funksiyalarında əhəmiyyətli itkilər olur. Yəni insanın bütün həyatına təsir edən ciddi zədədir.

Təəssüf ki, onurğa beyni zədələrinin ən çox yayılmış səbəbi yol qəzalarıdır. İstər öndə, istərsə də arxada otursan, təhlükəsizlik kəməri taxılmalıdır. İnsanlar buna əməl etsələr, ən azı qəza zamanı zədələri müalicə olunar. Ona görə də yol hərəkəti qaydalarına əməl etmək zəruridir.

2018-ci ildə yol qəzasında kəmər taxmadığı üçün onurğa beyni iflici keçirən şəxs 3 ay reanimasiyada qaldığını və çox çətin günlər keçirdiyini bildirib. Xəstəxanada fiziki müalicə prosesində müsbət faydalar gördüyünü, bədən müqavimətinin artdığını və vaxtaşırı xəstəxanaya gəlməyə davam etdiyini vurğulayan şəxs, “7 yaşında bir oğlum, 5  yaşında bir qızım var. Mənə heç bir şey olmaz deyərək hərəkət etməyin” deyə şərh edib.  

Orxan Əli