Bu ölkədə işçilərə “bədbəxtlik məzuniyyəti” verilir

Çində fəaliyyət göstərən "Pang Dong Lai" şirkəti işçilərlə bağlı qeyri-adi qərarı ilə gündəmə gəlib.

Avtosfer.az Ölkə.az-a istinadən xəbər verir ki, şirkətin qurucusu Yu Donglai əməkdaşların psixoloji rifahını ön plana çəkən yeni bir sistem tətbiq edib.

Yeni qaydaya əsasən, işçilər özlərini bədbəxt, yorğun və ya stress altında hiss etdikləri zaman heç bir rəhbər təsdiqi olmadan məzuniyyət götürə bilərlər. Bu icazə “bədbəxtlik məzuniyyəti” adlandırılır.

Bu addımın əsas məqsədi işçilərin yalnız fiziki deyil, həm də psixoloji sağlamlığını qorumaqdır. Eyni zamanda iş və şəxsi həyat arasında balansın gücləndirilməsi hədəflənir.