Sakinlər 206 saylı avtobusdan ŞİKAYƏTÇİDİR: "141"ə zəng etməkdən bezmişik

Qaradağ rayonu, Lökbatan qəsəbəsinin sakinləri 206 nömrəli müntəzəm marşrut xətti ilə işləyən avtobusların acınacaqlı vəziyyətindən narazıdırlar.

Avtosfer.az-ın məlumatına görə, bu barədə Oxu.az-a şikayət ünvanlayan sakin qeyd edib ki, bu xətdəki avtobusların çoxu istismara yararsızdır.

"Avtobuslarda oturacaqlar belə yoxdur. "141"ə zəng etməkdən bezmişik. Amma çarə edən yoxdur", - deyə şikayətdə bildirilir.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirildi ki, Lökbatan qəsəbəsindən metronun "Elmlər Akademiyası" stansiyası və əks istiqamətdə fəaliyyət göstərən 206 nömrəli müntəzəm marşrut xətti üzrə qrafik üzrə səkkiz avtobus 10-15 dəqiqəlik intervalla sərnişinlərə xidmət göstərir.

"Avtobusların azlığı və nizamlı fəaliyyətin olmaması səbəbindən 206 nömrəli marşrut xətti Azərbaycan Yerüstü Nəqliyyat Agentliyi tərəfindən müsabiqəyə təqdim olunub", - deyə məlumatda vurğulanır.