Üç gündür Suraxanıda işıq da yanmır, su da gəlmir - VİDEO

Bakının Suraxanı rayonunda bir neçə gündür ki, işıq və su problemi yaşanır.

Avtosfer.az xəbər verir ki, bu barədə görüntülər “Baku.ws”in "qaynar xətti"nə daxil olub.

Sakinlərin sözlərinə görə, fasiləli şəkildə verilən kommunal xidmətlər gündəlik həyatı çətinləşdirib.

"3 gündən artıqdır ki, ərazidə nə işıq və nə də su. Yolun sağ tərəfi Sabunçu rayonudur. Orada işıqlar yanır. Bizim dərdimizə isə çarə olan yoxdur", - deyə şikayətçi vurğulayıb.