Avtomobili sərxoş vəziyyətdə idarə edənlərlə bağlı YENİ QƏRAR

Baş nazir Artur Rasizadə "Nəqliyyat vasitəsini idarə edən şəxsin sərxoşluq vəziyyətinin müəyyən edilməsi Qaydaları"nın təsdiq edilməsi barədə qərar qəbul edib. Avtosfer.az-ın Nazirlər Kabinetinə istinadən verdiyi məlumata görə, qərarda qaydaların tətbiq edilməsi Cinayət və İnzibati Xətalar Məcəlləsindəki dəyişikliklərlə əsaslandırılıb. “Nəqliyyat vasitəsini idarə edən şəxsin sərxoşluq vəziyyətinin müəyyən edilməsi Qaydaları”na əlavə olaraq sərxoşluq vəziyyətinin tibbi müayinəsini əks etdirən akt da əlavə olunub. Qaydalarla və aktın nümunəsi ilə Nazirlər Kabinetinin saytında tanış olmaq olar.