Azərbaycanda nə vaxtsa belə tramvaylar olacaq - VİDEO

Əvvəllər Azərbaycanın üç böyük şəhərində - Bakı, Sumqayıt və Gəncədə tramvaylar var idi. Bu rahat nəqliyyat vasitəsinə müvafiq qurumların diqqəti olmadığı üçün bir müddət sonra bərbad hala düşdü və vətəndaşlar da artıq sökülüb-tökülən tramvaylardan imtina etdilər. Nəticədə tramvayların ləğv edilməsi və xətlərin sökülməsi üçün zəmin yarandı. Halbuki, həmin xətləri təmir etmək, tramvayları isə daha müasir modellərlə əvəzləmək olardı. Dünyanın əksər şəhərlərində tramvaylar qaldığı halda, azərbaycanlı məmurlar ekoloji cəhətdən ziyansız olan bu nəqliyyat vasitələrinin fəaliyyətini uyğun görmədilər. Bəs ölkəmizdə tramvay xətləri yenidən bərpa olunacaqmı? 

Avtosfer.az xəbər verir ki, Day.Az saytının əməkdaşı belə bir sualla Bakı, Sumqayıt və Gəncə şəhərlərinin icra hakimiyyətləri ilə əlaqə saxlayıb. Zəng etdiyi qurumlardan yalnız Gəncə İcra Hakimiyyətindən cavab almaq mümkün olub. Qurumdan bildiriblər ki, tramvay xətlərinin çəkilməsi üçün artıq Fransanın "ALSTOM" şirkəti ilə müqavilə də imzalanıb. Layihənin necə olacağını göstərən videoçarx da hazırlanıb. Həmin görüntüləri təqdim edirik.