Azərbaycanda yeni körpü tikilir - FOTO

Quba-Qonaqkənd avtomobil yolunun 35-cü, 36-cı km-də 2 yeni körpünün tikintisi başa çatdırılıb. Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyevin verdiyi məlumata görə, körpülərin uzunluğu 30m, qabariti isə 9,5 metrdir. “Hazırda yolun 41-ci km-də yeni körpünün tikintisi işləri davam etdirilir. Uzunluğu 27,3m, qabariti 9,5m nəzərdə tutulan körpüdə 1-ci dayağın gövdəsinin tikintisi başa çatmaq üzrədir, 2-ci dayağın isə karkası qurulur. Yaxın həftə ərzində sözügedən dayağın betonlanma işlərinə başlanılacaq”, - deyə Pünhan Mürsəliyev bildirib. Yolun yenidənqurulması çərçivəsində əlavə 2 yeni körpünün tikintisi, 3 mövcud korpünün sökülərək yenisi ilə əvəzlənməsi planlaşdırılır.

Qeyd edək ki, Quba-Qonaqkənd avtomobil yolu 68000 min nəfər əhalinin yaşadığı 66 yaşayış məntəqəsini özündə birləşdirir.

Emin