Bir təkərli motosiklet

Qızından ilham aldı, bir təkərli motosiklet yaratdı. Amerikalı Kris Hoffman yaratdığı nəqliyyat vasitəsinə RYNO adını verib. Ona bu motosikleti hazırlamaq üçün 7 il lazım olub. Hoffman bu fikri qızından aldığını deyib. Onun sözlərinə görə, 13 yaşlı qızı 7 il öncə bir oyunda bir təkərli motosiklet görüb. "Mənə bundan hazırlayıb, hazırlaya bilməyəcəyimi soruşdu. Mən də yeddi il çalışdım və nəticə budur". 

O, artıq icadını sınaq yürüşünə də çıxarıb. Nəqliyyatın hərəkətinin gur olduğu yerdə sürülən motosiklet heç bir problem yaratmayıb. Hoffmann bir təkərli motosikleti RYNO-nun hazırda istehsal mərhələsinə keçmədiyini deyib. Satışa çıxanda 5295 dollar qiyməti olacaq.