Bu dəfə taksi sürücüsü sərnişini qarət etdi

Bakıda quldurluq etməkdə şübhəli bilinən taksi sürücüsü tutulub. Avtosfer.az-ın Daxili İşlər Nazirliyinin mətbuat xidmətinə istinadən verilən məlumata görə, iyunun 22-də Bakı şəhər sakini Qabil Abdullayev 37-ci polis bölməsinə ərizə ilə müraciət edib. O, bildirib ki, iyunun 21-də K.Kərimov küçəsində taksi fəaliyyəti ilə məşğul olan "Mercedes" markalı avtomobilin sürücüsü İlqar Alıquliyev tərəfindən təzyiqə məruz qalıb. İddiaya görə, sürücü onu bıçaqla hədələyərək 125 manat pulunu əlindən alıb. Xətai rayon Polis İdarəsi Cinayət-Axtarış Şöbəsi və 37-ci polis bölməsi əməkdaşlarının keçirdikləri əməliyyat tədbirləri nəticəsində quldurluqda şübhəli bilinən İ.Alıquliyev tutulub. Faktla bağlı araşdırma aparılır.