Dəniz üzərindən Bayılla Əhmədlini birləşdirən yol belə olacaq – FOTOLAR

Xəzər dənizi üzərində Bayıl qəsəbəsi ilə Əhmədli qəsəbəsini birləşdirən avtomobil yolunun salınması ilə bağlı planın hansı mərhələdə olmasına münasibət bildirən Nəqliyyat Nazirliyi «Azəryolversis» ASC-nin sədri, millət vəkili Cavid Qurbanov avtosfer.az-a bildirib ki, bu, qlobal bir məsələdir: «Sovet vaxtında o qədər lazımsız şeylər, beton zavodları, təmir zadvodları tikmişdilər. Dünyanın hər bir ölkəsi öz dənizlərindən istifadə edir. Dincəlmək, istirahət mərkəzləri üçün istifadə olunur. Amma bizdə bunlar üçün istifadə olunmur. Təsəvvür edin ki, körpü salınıb. Belə olan halda dənizin görünüşü itə bilər. Bu məsələ qaldırılıb, Prezident də həmin layihə ilə tanış olub. Qərar hələ qəbul olunmayıb. Bu, siyasi bir qərardır. Həmin körpü dənizin altından və ya üstündən gedəcək, bunu fikirləşmək lazımdır. Bu məsələ hələ tam dəqiqləşməyib. Təmizlənib səliqə-səhmana salınmış, düzəlmiş bulvarın qarşısını kəsmək yaxşı alınmaz. Şəxsən mən bir mütəxəssis kimi hesab edirəm ki, dənizin qabağı açıq olmalıdır və Dənizkənarı Milli Parkı körpü salaraq kəsmək olmaz”.

Elməddin