Əlillər üçün parkinqlər pulsuz olacaq - YENİLİK

Bakıda yaradılan yeni avtomobil duracaqları - parkinqlərdə əlillərin avtomobil saxlaması pulsuz olacaq. Bu barədə fins.az-a hazırda paytaxtda parkinqlərin yaradılması ilə məşğul olan Bakı Şəhəri İcra Hakimiyyətinin Xüsusi Təyinatlı Avtonəqliyyat İdarəsinin (XTAİ) rəisi Həsən Abdullayev bildirib. Onun sözlərinə görə, əlillər üçün dayanacaqlar pulsuz olacaq, amma bu bütün əlillərə yox, yalnız 1-ci qrup əlillərə şamil olunacaq: "Bunun üçün həmin şəxslər müvafiq sənədləri təqdim etməklə XTAİ-nə müraciət edərək qeydiyyatdan keçməlidirlər. Onlara xüsusi kart veriləcək və bu kartlar avtomobilin şüşəsinə bərkidiləcək". Nəticədə parkinqə nəzarət edən şəxslər bu avtomobilin əlillə məxsus olduğunu biləcəklər.