Evakuasiya işində SMS tələbi; partiya ayağa qalxdı

«Maşını saxlayırsan, gəlib görürsən ki, yerində yoxdu. Sən demə, yalnış yerdə saxlamısan və evakuasiya ilə aparılıb. Səninsə xəbərin yoxdur». Rusiyanın Liberal Demokrat partiyası bu məsələni parlamentdə qaldırmaq qərarına gəliblər. Avtosfer.az-ın vesti.ru-ya istinadən verdiyi məlumata görə, Partiyaın iki üzvü, Yaroslav Nilov və İqor Lebedev DİN rəhbəri Vladimr Kolokolçeviyaya məcburi evakuasiya ilə bağlı məsələyə baxılması üçün məktub yazıblar. Məktuba əsasən, partiya üzvləri maşınları məcburi evakuasiya ilə aparan sürücülərə bu haqda smslə xəbər verilməsi təklifini irəli sürüblər. Belə ki, məktubda avtomobillərin məcburi evakuasiya həbsi onların qanunsuz istismarı kimi təqdim  olunub. Onların fikrinə görə, evakuasiya işçiləri evakuasiya işlərini birtərəfli nəzərə alaraq, rəftar edirlər. Partiya üzvlərinin təklifinə görə, dövlət və bələdiyyə xidməti üzrə birxəttli SMS portalı yaradılmalı və evakuasiya ilə bağlı sürücüyə sms göndərilməlidir. Sürücü 15-20 dəqiqə ərzində bu qanunsuz park edilməni başa düşməyib maşını ordan götürməsə, o zaman evakuasiya işləri görülə bilər. Məktubda eyni zamanda maşın dayanacaqları, maşının saxlanması və götürərkən ödənilən pullar, dayanacaqlarda nəzarət edən şəxslər bunlar haqda da fikirlər bildirilib. Partiya üzvləri bu məktubla İnzibatı Xətalar Məcəlləsində dəyişiliklər edilməsini və SMS xidməti ilə bağlı təklifin dəyərləndirilməsini istəyiblər.

Fidan