Hövsan yolu genişlənəcək (VİDEO)

Yol  Hövsan yolu genişlənəcək. Suraxanı rayonu, Hövsan qəsəbəsinə gedən yolu sakinlər “cəhənnəmə gedən, şeytan yolu” adlandırırlar. Qəsəbənin içindən keçən yol sovet dövründə əsaslı təmir olunub. Son 20 il ərzində isə asfalta vurulan yamaqlar çoxaldıqca, əksinə yol ensizləşməyə başlayıb. İndi vəziyyət o həddə çatıb ki, gecələri zülmət olan bu yollarda baş verən qəzalar hər il onlarla insanın da həyatını zülmətə döndərir. "Yolda qəzalar adi hala çevrilib. Sonuncu qəza bu gecə olub. Maşın yüksək gərginlikli xəttə toxunub. Maşın elektrik dirəyinin yanındakı ana qaz xəttinə çırpılıb. Patlayış baş versəydi, baş verəcək faciənin miqyası lap çox olardı".

Yayın gəlişi Hövsan camaatının narahatlığını daha da artırıb. Çünki çimərlik mövsümü başlayan kimi bu yoldan istifadə edənlərin də sayı 2-3 qat artır. Dar, kələ-kötür yollarda dənizdən qayıdanlar isə yol qaydalarına məhəl qoymur, sürət həddini tez-tez pozmaqdan belə çəkinmirlər.