Sürücülər pul görməyəcəklər

«Sürücülər yeni kart sisteminə keçdikdən sonra pul görməyəcəklər». Bu barədə Nəqliyyat Nazirliyinin mətbuat xidmətinin rəhbəri Namiq Həsənov deyib. O bildirib ki, sürücü sərnişindən pul almayacağı təqdirdə öz sahibkarı qarşısında maaş məsələsini qaldıracaq: “Avtobuslarda kart sistemi tam tətbiq olunduqdan sonra çox gümanki sahibkarlarla sürücülər arasında maaşla bağlı müqavilə bağlanacaq. Sürücü indi sahibkarın qoyduğu planı vermək üçün sürət həddini aşır, qəzalar baş verir. Ancaq kart sisteminə keçdikdən sonra sürücü sərnişinləri kart gözü ilə görəcək. Belə olduğu təqdirdə isə daha çox sərnişin mindirməyəcək və qrafikə uyğun işləyəcək. Sürücü yavaşda sürsə, tezdə sürsə eyni maaşı alacaq”. 

Namiq Həsənov həmçinin qeyd edib ki, sahibkarlardan hansı rəqabətə davamlı olacaqsa işləyəcək. İşləyə bilməyən sahibkar isə gedib başqa işlə məşqul olacaq.