Sürücülərin nəzərinə: Yeni qurğular gəlir - VİDEO

Qanunsuz parkinqlər əksər böyük şəhərlər üçün aktualdır. Paytaxt Bakıda da bu baxımdan vəziyyət ürəkaçan deyil.Bunun qarşısını almaq üçün bir müddət sonra yeni qurğulardan istifadə ediləcək. Qadağan olunmuş yerlərdə parketmənin qarşısını almaq üçün yeni üsul tətbiq ediləcək. Parkonlarda insan faktoru tamamilə istisna edilib.Ona görə də dünyanın əksər ölkələrində, xüsusilə də qonşu Rusiyada bu qurğudan geniş istifadə edilir. Parkon peyk sistemi ilə işləyir. Belə ki, reyd keçiriləcək küçənin adı və qanuni parkinq yerləri qurğunun yaddaşına yazılır. Daha sonra parkon polis avtomobilinə yerləşdirilir. Polis əməkdaşları küçə boyunca irəlilədikcə, parkon qadağan edilmiş yerlərdə parkinq edilən avtomobilləri qeydə alır. Qayda pozuntusu ilə bağlı protokol da avtomatik rejimdə tərtib edilir və üç gün ərzində sürücünün ünvanına cərimə ilə bağlı qəbz göndərilir.

Əslində daha əvvəl yol polisi avtomobillərinə belə cihazlar quraşdırılmışdı. Amma onların müəyyən çatışmazlıqları var idi. Amma parkonlar foto materialla yanaşı, video material da hazırlayır. xəzərxəbər