Yenilik; DYP-dən mobil telefonunuza SMS gələcək

Avtosfer.az saytı avtomobillərin qeydiyyatı ilə bağlı başqa bir maraqlı dəyişiklyi oxucuların diqqəğtinə çatdırır. Mayın 2-də "Yol hərəkəti haqqında" qanuna edilən bu dəyişiklik nəqliyyat vasitələrinin ilkin və təkrar qeydiyyatı zamanı qeydə alınması məcburi olan məlumatlarla bağlıdır. Həmin məlumatlar sırasına nəqliyyat vasitəsis sahibinin qeydiyyatda olduğu və yaşadığı ünvanıla yanaşı, onun mobil telefon nömrəsi və elektron ünvanı da əlavə olunub. Hər bir şəxs həmin məlumatlar dəyişdikdə onları 3 gün ərzində yeniləməlidir, yəni DYP-yə bu məlumatları təkrarən çatdırmalıdır. Həmin məlumatlar verilmədiyi halda avtomobil dövlət qeydiyyatına alınmayacaq. DYP məlumatların telefon, poçt və internet vasitəsilə elektron qaydada verilməsi və yenilənməsi üçün müvafiq imkanların olmasını təmin etməlidir. Yəni göstərilən məlumatları DYP-yə elektron qaydada ötürərək qeydiyyata aldırmaq, habelə yeniləmək də mümkün olacaq.

Bu məlumatların qeydiyyatını məcburi etməkdə məqsəd qayda pozuntularına görə yazışmaların, xüsusən də bildiriş və xəbərdarlıqların elektron qaydada, o cümlədən mobil telefon vasitəsilə (SMS-lə) çatdırılmasını təmin etməkdir. Bu yeni sistem sürücülər üçün faydalı olacaq, çünki sürücüdən xəbərsiz cərimə tətbiqi, onun gecikdirilməsi hallarında əlavə problemlər (faizlərin gəlməsi, avtomobilin cərimə meydançasına aparılması və s.) istisna olunacaq.

Avtosfer.az