Bakının mərkəzindəki yararsız panduslar əhali üçün təhlükəlidir - FOTO

Bakının Səbail rayonu, Əhməd Cavad küçəsində yerləşən panduslar uzun müddətdir istifadəyə yararsız vəziyyətdədir. 

Avtosfer.az xəbər verir ki, şəhərin mərkəzində yerləşməsinə baxmayaraq, burada pandusların ya deformasiyaya uğradığı, ya da tamamilə sıradan çıxdığı müşahidə olunur.

Ərazidə yaşayan sakinlər və ərazidən istifadə edən vətəndaşlar bildirirlər ki, məsələ ilə bağlı dəfələrlə aidiyyəti qurumlara müraciət edilsə də problem hələ də həllini tapmayıb. Onların sözlərinə görə, xüsusilə əlilliyi olan şəxslər, uşaq arabası ilə hərəkət edən valideynlər və yaşlı insanlar bu vəziyyətdən ciddi əziyyət çəkirlər.

Məsələ ilə bağlı çəkilmiş görüntülərdən də məlum olur ki, panduslar standartlara cavab vermir və təhlükəsizlik baxımından böyük risk yaradır. 

Şəhərin mərkəzi küçələrində belə halların mövcudluğu həm vətəndaşların hüquqlarının pozulmasıdır.

Vətəndaşlar aidiyyəti qurumlardan problemin dərhal aradan qaldırılmasını və Əhməd Cavad küçəsindəki pandusların standartlara uyğun şəkildə yenidən qurulmasını tələb edirlər.

Eltac Zülfüqaroğlu