Abşeronda reyd: piyadalar saxlanılıb cərimələndi - VİDEO

Abşeron rayon Dövlət Yol Polisi Şöbəsinin əməkdaşları piyada məsuliyyətinin artırılması və onların iştirakı ilə baş verən yol-nəqliyyat hadisələrinin qarşısının alınması məqsədilə Xırdalan şəhəri Heydər Əliyev prospektində profilaktik tədbirlər keçirib.

Avtosfer.az xəbər verir ki, təşkil olunan tədbir zamanı​ yaxınlıqda olan piyada keçidlərindən istifadə etməyən, avtomobillərin intensiv hərəkət etdiyi yolda​ özləri​ ilə bərabər digər hərəkət iştirakçılarına da ciddi təhlükə yaradan piyadalar saxlanılaraq onlarla maarifləndirici söhbətlər aparılıb, yol hərəkəti qaydalarına riayət etməyin həyati əhəmiyyəti barədə ətraflı məlumat verilib.

Piyadaları yollarda məsuliyyətli olmağa və qaydalara ciddi riayət dəvət edilib. Bəzi piyadalar barəsində inzibati protokol tərtib olunub.