“Avtoşluq” edib “Tik-Tok”da görüntülərini paylaşan sürücü saxlanıldı - RƏSMİ - VİDEO

Qaxda yol hərəkəti qaydalarını kobud şəkildə pozan sürücünün görüntüləri sosial şəbəkədə paylaşılıb.

Avtosfer.az-ın məlumatına görə, 90-CM-827 dövlət nömrə nişanlı “Opel Astra” markalı avtomobilin sürücüsü yolda sərt manevrlər edib. Belə ki, müxtəlif vaxtlarda qeydə alınmış görüntülərdə əl əyləcindən istifadə edən sürücü avtomobili fırladaraq yolda dəfələrlə drift edib. Digər kadrda isə yenidən təhlükəli manevrlər edən sürücü qarşıdan gələn avtomobillərə qəza riski yaradıb. 

DİN Mətbuat Xidmətinin Şəki regional qrupundan Avtosfer.az-a bildirib ki, rayon ərazisində hərəkətdə olarkən avtoxuliqanlıq edən “Opel” markalı avtomobilin sürücüsü Emil Əhmədzadə Qax rayon Dövlət Yol Polisi Şöbəsinin əməkdaşları tərəfindən saxlanılıb və sürücü barəsində qanunamüvafiq tədbirlər görülüb.

Nərmin