“Avtoş”luq edib videolarını sosial şəbəkədə yayan sürücü VƏSİQƏSİZ QALDI - VİDEO

Salyan rayonunda yol hərəkəti qaydalarını kobud şəkildə pozan sürücü müəyyən olunub.

Avtosfer.az-ın məlumatına görə, Samux Rayon Polis Şöbəsinin Dövlət Yol Polisi Bölməsinin əməkdaşları rayon ərazisində avtoxuliqanlıq hərəkətləri edərək ictimai asayişi nümayişkaranə şəkildə pozan və digər hərəkət iştirakçılarına ciddi təhlükə yaradan sürücünü saxlayıblar. Rayon sakini Ə.Hökümalıyev idarə etdiyi 99-KP-675 dövlət nömrə nişanlı “VAZ-2106” markalı avtomobillə intizamsızlıq edərək qaydaları kobud şəkildə pozub və etdiyi avtoxuliqanlıq hərəkətlərini “TikTok” sosial şəbəkəsində paylaşıb.

Həmin şəxs barəsində inzibati qaydada protokol tərtib olunaraq baxılması üçün rayon məhkəməsinə göndərilib. Məhkəmənin qərarı ilə Ə.Hökümalıyevin sürücülük hüququ 1 il müddətində məhdudlaşdırılıb.

Nərmin