Azərbaycanda polis maşınlarının dizaynı niyə bu haldadır? - FOTOLAR

Bizim polis avtomobillərini kim dizayn edibsə çox bərbad hala salır. Volvo-nun Vətəni İsveçdə edilən dizayna baxın, bizimkilərə baxın. Demək olar ki, keçmiş sovet dizaynından kənara çıxa bilməmişik.
Müqayisə üçün fərqli fotolara baxaq.

Dünyanın müxtəlif ölkələrində fərqli marka və modellərdən polis avtomobili kimi istifadə olunur və çox maraqlı dizaynlar ortaya çıxır. Azərbaycanda isə standart model dəyişmir.
Uzun illərdir Azərbaycanda Dövlət Yol Polisinin balansında Mercedes, BMW, Volkswagen, Hyundai, KIA kimi markalar olsa da, bu yaxınlarda Volvo da siyahıya əlavə olundu. Ancaq dizayna baxanda görürük ki, o cür mükəmməl marka sadə, daha doğrusu, keçmişdən qalma dizaynla diqqəti cəlb edən görkəm ala bilmir. Nümunə olaraq Volvo-nun Vətəni İsveçdə polis maşını kimi xidmətə verilən avtomobillərin dizaynına baxaq. Fərqi gördükcə bir anlıq bu dizayndan həm də zövq alırıq.
Dizayn diqqət çəkən, digər avtomobillərdən dərhal seçilən formada olmalıdır. Polis avtomobili digərlərindən dərhal seçilməlidir. Yaxşı olardı ki, dizayna və sayrışan işıqlara da diqqət olunsun. Hərəsi bir formada, bir rəngdə olmamalıdır.

Müxtəlif ölkələrin dizaynına diqqət edərək daha mükəmməl bir dizayn hazırlamaq mümkündür və çox arzu edərdik ki, bizim da polis maşınlarımız uzaqdan seçilsin və diqqət çəksin. Bunun yaxşı təsirləri olacaq...

Elməddin Muradlı