Azyaşlılar yol polisi oldu – MARAQLI VİDEO

Baş Dövlət Yol Polisi İdarəsi azyaşlılarla bağlı maraqlı layihələr icra edir.

Avtosfer.az xəbər verir ki, balacalar yol polisi forması geyinərək şərti xidmət ediblər. Onlar DYP əməkdaşlarının iş şəraiti ilə tanış olublar. Eyni zamanda bu azyaşlılara yol hərəkəti qaydaları ilə əyani şəkildə tanış olması imkanı yaradıb. 
Şəmkir rayonu, 2 saylı orta məktəbin şagirdləri ilə keçirilən analoji tədbir zamanı isə maraqlı anlar yaşanıb. Belə ki, uşaqlar “biz yol polislərini sevirik” sözlərini deyir və DYP əməkdaşlarından nümunə götürdüklərini bildirirlər. 
Baş Dövlət Yol Polisi İdarəsinin şöbə rəisi, polis polkovnik-leytenantı Rövşən Tağıyev bildirib ki, DYP mütamadi olaraq bu cür tədbirlər həyata keçirir. Sözügedən tədbirdə azyaşlıların yol polislərinin ünvanına səsləndirdikləri xoş sözlərə görə bütün polis əməkdaşları adından təşəkkürünü ifadə edən şöbə rəisi uşaqların təhlükəsizliyi üçün bundan sonra da fəaliyyətlərini davam etdirəcəklərini qeyd edib.