Bakıda bu küçədə hərəkət məhdudlaşdırılıb

Bakı Şəhər Dövlət Yol Polisi İdarəsi Səbail rayonu ərazisində küçələrdən birində nəqliyyatın hərəkətinin məhdudlaşdırılması ilə bağlı məlumat yayıb.

İdarənin əməkdaşı, polis mayoru Araz Əsgərli Avtosfer.az-a bildirib ki, Səbail rayonununun ərazisində Qurban Abbasov küçəsi ilə Ziya Yusifzadə küçəsinin kəsişməsində qəzalı binanın söküntüsü ilə əlaqədər yolda hərəkət məhdudlaşdırılmaqla istiqamət dəyişdirilib. Ziya Yusifzadə küçəsində iki tərəfli hərəkət təşkil edilib.

Yol polisi paytaxt sakinləri və sürücülərdən bu dəyişikliyi nəzərə almağı xahiş edir.