Bakıda qəza törədərək qaçan “Toyota Prius”un sürücüsü saxlanılıb - VİDEO

Bakının Yasamal rayonu ərazisində qəza törədərək qaçan “Toyota Prius”un sürücüsü saxlanılıb. Bu barədə Avtosfer.az-a Baş Dövlət Yol Polisi İdarəsinin ictimai qurumlarla əlaqə şöbəsindən məlumat verilib.

Bildirilib ki, Yasamal rayonu ərazisində “Toyota Prius” markalı, 99-NF-743 dövlət qeydiyyat nişanlı avtomobilin yol-nəqliyyat hadisəsi törədərək hadisə yerindən uzaqlaşması barədə müxtəlif media subyektlərində yayımlanmış məlumat əsasında Baş DYP İdarəsində dərhal araşdırma başlanılıb.

Qeyd olunan nəqliyyat vasitəsinin sürücüsü - 2003-cü il təvəllüdlü E.Bayramzadə aşkar edilərək inzibati məsuliyyətə cəlb edilib.