Bakıda "Range Rover"lə "Opel" toqquşdu, polis əməkdaşı xəsarət aldı - FOTO
Bakıda yol-nəqliyyat hadisəsi olub.
Hadisə Nizami rayonunda, "Maşın bazarı" adlanan ərazidə qeydə alınıb.
APA-nın məlumatına görə, "Range Rover" və "Opel" markalı avtomobillər toqquşub. Bundan sonra" Range Rover" səkiyə aşıb.
Qəzadan sonra "Range Rover"in sürücüsü hadisə yerindən qaçıb. "Opel"də olan polis əməkdaşı xəsarət alıb. Hadisə yerinə təcili tibbi yardım briqadası cəlb olunub.
Hüquq-mühafizə orqanlarının əməkdaşları da hadisə yerinə gəlib.
DİN-in mətbuat xidmətindən Avtosfer.az-a verilən məlumata görə, bu gün saat 17 radələrində paytaxtın Nizami rayonunda iki avtomobilin toqquşması nəticəsində xəsarət alanlar olub.
Belə ki, “Rang-Rover” və “Opel” markalı avtomobillərin iştirakı ilə baş verən yol nəqliyyat hadisəsində “Opel” markalı avtomobilin sərnişini olan polis əməkdaşı müxtəlif dərəcəli bədən xəsarəti alıb. Xəsarət alanlar xəstəxanaya yerləşdirilib.
Nizami RPİ-də araşdırma aparılır.