Bakının cənub girişində hərəkət məhdudlaşdırılır – RƏSMİ AÇIQLAMA

Avqustun 29-u saat 06:00-dan Bakının mərkəzinə Badamdar istiqamətindən daxil olan yol bağlı olacaq.

Bu barədə Avtosfer.az-a Bakı şəhər Dövlət Yol Polisi İdarəsinin baş inspektoru, polis baş leytenantı Rüstəm Əhmədli deyib.

O bildirib ki, Yasamal rayonu, Mikayıl Müşfiq küçəsi ilə Mətbuat prospektinin kəsişməsindən üzü Mikayıl Müşfiq küçəsi (Bakı Şəhər Dövlət Yol Polis İdarəsi, Yeni Yasamal və Kənar Dairəvi yol) istiqamətində nəqliyyat vasitələrinin hərəkəti tam məhdudlaşdırılacaq.

Belə ki, Kənar Dairəvi yol ilə hərəkətdə olan nəqliyyat vasitələri şəhərin mərkəzinə doğru yalnız Yeni Yasamal ərazisinə daxil olmaqla hərəkət edə bilərlər.

Rüstəm Əhmədli onu da vurğulayıb ki, Badamdar şosesindən üzü mərkəz istiqamətinə hərəkət isə sərbəst olacaq.

Səfər