Balakəndə avtoxuliqan sürücü saxlanıldı – 23 sutka həbs edildi - FOTO

Balakən rayonu ərazisində yol hərəkəti qaydalarını kobud şəkildə pozan sürücü müəyyən edilərək saxlanılıb.

Avtosfer.az-ın məlumatına görə, Balakən Rayon Polis Şöbəsinin Dövlət Yol Polisi Bölməsinin əməkdaşlarının keçirdiyi tədbirlər nəticəsində avtoxuliqanlıq edən Elnur Yusubov məsuliyyətə cəlb olunub. O, idarə etdiyi nəqliyyat vasitəsi ilə qaydaları davamlı şəkildə pozaraq ictimai asayişə zidd hərəkətlərə yol verib.

Toplanmış materiallar baxılması üçün məhkəməyə göndərilib. Məhkəmənin qərarı ilə E.Yusubovun sürücülük hüququ 1 il müddətinə məhdudlaşdırılıb və o, 23 sutka inzibati qaydada həbs edilib.

Nərmin