Baş DYP-nin “Yol hərəkəti qaydaları” dərnəklərinə dəstəyi davam edir

Baş DYP İdarəsinin bölgələrdə fəaliyyət göstərən “Yol hərəkəti qaydaları” dərnəklərinə dəstəyi davam edir

Uşaq və yeniyetmələr arasında yol hərəkəti qaydalarının təbliği sahəsində təhsilverənlərlə təcrübə mübadiləsinin aparılması məqsədilə Elm və Təhsil Nazirliyinin 1 nömrəli Uşaq-Gənclər İnkişaf Mərkəzinin DİN-in Baş Dövlət Yol Polisi İdarəsi ilə birgə həyata keçirdiyi layihə uğurla davam edir.

Qax Uşaq-Gənclər İnkişaf Mərkəzində təşkil edilən “Yollar, qaydalar və biz” adlı növbəti tədbirdə bölgələrdə fəaliyyət göstərən uşaq-gənclər inkişaf mərkəzlərində yol hərəkəti qaydalarının daha səmərəli metodlarla tədrisi, bu sahədə DYP ilə qarşılıqlı əməkdaşlığın daha da inkişaf etdirilməsi məsələləri müzakirə olunub, yerli mütəxəssislərə əməli köməklik göstərilib.

Tədbirdə Qax UGİM-in “Yol hərəkəti qaydaları” dərnəyinin üzvləri qazandıqları bilik və bacarıqları nümayiş etdirib, təşkilatçılar tərəfindən onlara sertifikatlar təqdim olunub.